Skákmeistari í framboði!

Alþjóðlegi skákmeistarinn, Jón Viktor Gunnarsson, er í framboði fyrir VG í Reykjavíkurkjördæmi suður, reyndar aðeins í 19. sæti svo möguleikarnir á þingsæti eru heldur litlir!

Jón Viktor er reyndar ekki eini skákmeistarinn í framboði fyrir VG, því Guðfríður Lilja Grétarsdóttir, forseti Skáksambandsins er í 2. sæti VG í Kraganum og hefur veika von um þingsæti.  

Ekki minnist ég þess að það sé algengt að sterkstu skákmenn þjóðarinnar hafi verið á framboðslistum.  Þó minnist ég þess að hafa séð nafn Ingvars Ásmundssonar á framboðslista Samtaka frjálslyndra og vinstrimanna á sínum tíma sem og nafn Margeirs Péturssonar á lista Sjálfstæðisflokksins.

 

 

Athugasemdir

[Hlynur Hallsson, 14.2.2007 kl. 23:25]

Frábært fólk Jón Viktor og Lilja og hún verður pottþétt þingmaður í vor. Bestu kveðjur,

[Eyjólfur Ármansson (IP-tala skráð) 15.2.2007 kl. 15:26]

Það má nefna líka að Jón heitinn Þorsteinsson er trúlega sterkasti skákmaður sem setið hefur á þingi, en það er nú reyndar svo langt síðan að mér er sagt að hann hafi sagt „Nú eiga allir orðið ísskápa” í þingræðu.

[Gunnar Björnsson, 15.2.2007 kl. 18:23]

Já, ég gleymdi Jóni Þorsteinssyni, sem auðvitað á heima þarna.