Huginn og TR munu berjast um titilinn

Íslandsmót skákfélaga fer fram um helgina í Rimaskóla. Fyrsta deildin hefst í kvöld en hinar deildirnar á morgun. Ritstjóri ætlar ekki að bregða af vana sínum og spá í spilin.

1. deild

Það er ljóst að baráttan um titilinn verður á milli Hugins og TR. Bæði félögin hafa afar áþekkt lið af styrkleika. Í fyrra vannst keppnin að miklu leyti á því að Huginsmenn komu með sterkari erlenda skákmenn en TR-ingar. Til að gæta fulls hlutleysis hef ég ákveðað að gera ekki á milli félaganna nú – enda tel ég baráttuna vera 50-50.

Ritstjóra finnst líklegast að sveitirnar sem komu upp í fyrra b-sveit SA og KR-ingar fari aftur niður. Bronsbaráttan getur verið mjög spennandi. Þar berjast Bolar, Fjölnismenn og jafnvel Akureyringar. Ég spái Bolum bronsinu  – en það fer mikið eftir því hvernig þeim gengur að manna liðið með sínum bestu mönnum.

Spá ritstjóra

• 1.-2. Huginn
• 1.-2. TR
• 3. Taflfélag Bolungarvíkur
• 5. Fjölnir
• 5. SA
• 6. Huginn-b
• 7. TR-b
• 8. Víkingaklúbburinn
• 9. SA-b
• 10. KR

 

2. deild

Það er gríðarlega erfitt að spá í spilin í annarri deildinni. Hún getur orðið gríðarlega jöfn og spennandi. Ég tel samt að Reyknesingar hljóti að vera líklegir til afreka og spái að þeir endurheimti sæti í efstu deild. Hverjir fylgja þeim er hins vegar mjög erfitt að spá um. Garðbæingar geta verið sterkir sem og Haukamenn. Spái að Garðbæingar fylgi Reyknesingum upp.

Hverjir falla. Þegar stórt er spurt..... Spái SFÍ niður sem Selfyssingum. Borgfirðingar gætu lent í því að blanda sér í fallbaráttuna.

Spáin: 

1. SR
2. TG
3. Haukar
4. TR-c
5. Huginn-c
6. UMSB
7. SFÍ
8. Selfoss

3. deild

Fjórtán lið eru í þriðja deild. Þar tel ég Vinaskákfélagið líklegt til árangurs en sveit þeirra féll nokkuð óvænt í fyrra.  Hverjir fylgja þeim svo upp er er erfitt á að giska. B-sveit Fjölnis gæti verið líkleg og gætu c-sveit SA og d-sveitir TR og Hugins blandað sér í baráttuna. 

Spá ritstjóra 

1. Vinaskfélagið
2. Fjölnir-b
3. TR-d
4. Huginn-d
5. SA-c

Um önnur sæti ætla ég ekki að spá  að sinni!

4. deild

Þar koma tvö ný félög, Hrókar alls fagnaðar og Áttavilltir inn. Bæði nokkuð sterk þó sérstaklega það fyrrnefnda sem gæti komist rakleiðis í þriðju deild. Þriðja nýja félagið er Breiðablik en það hefur á að skipa aðeins ungum skákmönnum. 

Að öðru leyti hef ég ekki hugmynd um styrkleika sveitanna í fjórðu deild og sér í lagi átta ég mig engan veginn á styrkleika sveita Hugins og TR.

Ætla að setja mikla pressu á nýliðina og spá þeim í 3. deild að ári ásamt Sauðkrækingum.  Hugins- og TR-sveitirnar og jafnvel b-sveitir UMSB og Vinaskfélagsins gætu blandað sér í baráttuna.

Spá ritstjóra.

1. Hrókar alls fagnaðar
2. Áttavilltir
3. Sauðárkrókur
4. UMSB-B
5. Vinaskfélagið-b

En hvað sem öðru lýður er aðalatriðið að við skemmtum okkur vel um helgina!

Spá ritstjóra er sjálfsagt tómt bull

Gens Una Sumus – Við erum ein fjölskylda.

Gunnar Björnsson

liðsmaður b- og/eða c-sveitar Hugins