Stjórnmál á nýju ári

Nýtt spennandi stjórnmálaár er hafið og kosningar í nánd.  Samkvæmt nýrri könnun Gallups er fylgi stjórnmálaflokkanna lítið breytt frá fyrri könnunm.   Samfylkingin nær sér enn ekki á strik, Sjálfstæðisflokkurinn með fremur lítið "kannanafylgi", VG í stórsókn, Frjálslyndir halda sínu en Framsóknarmenn ekki langt frá "rauðvínsfylgi".  

Það verður fróðlegt að sjá hvernig þetta mun þróast.  Sjálfsagt mun Framsóknarflokkurinn auka við og fara jafnvel í 12-13% og sjálfsagt mun fylgi VG minnka niður í 15%, þrátt fyrir öfluga frammistöðu Steingríms Joðs á gamlársdag í boði Alcans. 

Ingibjörg Sólrún hefur ekki náð sér strik sem formaður og því er staða Samfylkingar fylgislega óviðunandi fyrir þann flokk.  Ég vil ekki bara kenni henni um heldur einnig öðrum forystumönnum flokksins sem láta stundum eins og formaðurinn sé ekki til.  Komi forystan ekki fram sem einn hópur er ekki von á góðu.  Minnir mig á gamalt máltæki sem segir.  Sameinaðir stöndum vér en sundraðir..............

Annars var þáttúrinn fremur litlaus að sinni.  Maður saknar óneitanlega "dónanna" Össurar og Davíðs.   Ég hnaut um þegar Steingrímur Joð þvertók fyrir það beinlínis að Ingibjörg Sólrún ætti að verði forsætisráðherra verði Samfylkingin stærst en það væri einmitt í samræmi við "norska módelið" sem Steingrímur vitnar svo oft í.  Kannski að Margrét Frímanns hafi rétt fyrir sér þegar hún talar um "karlrembu" Steingríms og gömlu komannna í bók sinni?  Standa gömlu kommarnir fyrir jafnrétti?  Vöru gömlu kommarnir ekki einmitt stóriðjusinnar? Er eitthvað að marka þá?  Eru þeir trúverðugir þegar þeir henda sínum besta málsvara í stóriðjumálum í vonlaust sæti?

Karlrembuútspil Steingríms minnka því líkurnar á kaffibandalaginu og sjálfsagt eru þær alveg úr sögunni nái Magnús Þór og Jón Magnússon völdum hjá Frjálslyndum.  Nái Margrét Sveris völdum...tja þá er ekkert útilokað. 

Já þetta getur orðið skemmtilegur vetur því margt er skrýtið í kýrhausnum...... 

Athugasemdir

[Snorri Bergz, 2.1.2007 kl. 16:07]

Yndislegt að eðalkratinn Gunzó skuli byrja pistilinn á að vitna í stefnuskrá Samfylkingarinnar, þ.e. skoðanakannanir. En annars ágætur pistill hjá formanni Hellis. Og íslenskan óvenju góð! Afi þinn hefði orðið stoltur af þér núna!