Er VG femínístaflokkur?

Er að vona að maður spyrji.  Nú nýlega hafa komið upp 3 dæmi sem gefa annað til kynna.   

1. Ummæli Steingríms Joð um hvort Ingibjörg Sólrún væri forsætisráðherra “Kaffibandalagsins” en á því virtist Steingrímur Joð engan áhuga fyrir og sá greinilega sig, karlmanninn, í því hlutverki.  Sjá nánar um þetta fjallað í eldra bloggi.
2. Ósmekkleg ummæli Múrsins um Margréti Frímannsdóttir sem m.a. Björn Ingi, Össur og Björn Bjarna hafa gert ágætlega skil.
3. Femínistinn Guðfríður Lilja Grétarsdóttir, sem vann öruggan sigur í forvali VG sett í annað sætið í Kraganum á meðan karlmaðurinn Árni Þór Sigurðsson, sem fékk mun minna fylgi er settur í annað sætið í Reykjavíkur norðurþar sem líkurnar á þingsæti eru miklu mun meiri.

Er VG aðeins femínistaflokkur í orði en ekki á borði?   

Borgarfjarðarblogg

Yfir helgina var ég í staddur í Borgarfirði nánar tiltekið í landi Sólheimatungu í Borgarfirði.  Þar á móðir mín, ásamt systur sinni, gamalt og yndislegt hús með mikilli.sál.  Um er að ráða steinhús byggt 1911 og er um að ræða eitt elsta steinhús Borgarfjarðar.  Bóndinn í Sólheimatungu, Sigurður Tómasson, er bróðir móður minna og býr í öðru mun nýrra húsi en lítill búrekstur er nú eftir á bænum aðeins nokkur naut og hestar (og auðvitað íslenskur hundur!) eru nú hér en áður fyrr var hér bæði kúa- og fjárbjúskapur og man ég eftir hænum þegar ég var yngri .  Móðir mín ólst hér upp en afi og amma hennar eignuðust jörðin árið 1891 en afrit af afsalinu er hengt hér upp vegg.    Landið liggur á milli Gljúfurá, sem er ægifögur og ágætisveiðiá og Norðurá, serm eins og kunnugt er ein besta veiðiá landsins.  Hér á Sólheimatungulandi er þó veiði í Norðurá nánast engin. Að vera hérna í er hin mesta afslöppun.  Takmarkað sjónvarp, lítill sími og enginn enskur bolti!  Ég reyndar tek með fartölvuna en hef það fyrir reglu að tengjast eins lítið við internetið (en hér er venjuleg símatenging) og unnt er og þá helst til að uppfæra Skák.is.  Helst tengjist ég á morgnana þegar aðrir fjölskyldumeðlmir sofna.  Nú hef ég þó leyft mér að skrifa smá blogg! 

Hér er yndislegt að fara í göngutúra og labba t.d. meðfram Gljúfuránni eða að ganga úti í tungu meðfram Norðuránni.  Reyndar nokkuð kalt hérna núna og nú eu 6 gráðu frost en iðulegra er kaldara hér en í Reykjavík.  Það er samt vel hægt að labba sé maður vel klæddur!  Í gær fór svo fjölskyldan til Borgarness til að vera viðstödd þrettándabrennu og flugeldasýningu í umsjón Brákar, sem er flugbjörgunarsveitin á staðanum.

Einnig gríp ég mikið hér í bækur.  Annar bróðir mömmu, Jónas, sem lést fyrir nokkrum árum, átti hér heimili í gamla húsinu var mikill bókarhestur og því mikið hér að áhugaverðum bókum  Sjálfur hef ég verið að grípa niður Morse lögreglufulltrúa um helgina og haft gaman að.   En nú er kominn sunnudagur og tími til að halda heim á leið í skarkalann, símann, stressið enda vinnuvika framundan. Hér er ekki margt skrýtið í kýrhausnum!

Siggi Ísmaður og Grænlandslandmám.

Á nýársdag var stórgóður þáttur um Sigurð Pétursson, nánar tiltekið Sigga Ísman, á Ríkissjónvarpinu.  Ég naut þeirrar ánægju að kynnast Sigga eitlítið á Grænlandsmóti Hróksins sem fram fór sl. sumar í Tasilaq á austurströnds Grænlands.  Siggi er einn mesti "orginal" maður sem ég hef nokkurn tíma og ógleymanlegt að kynnast þessum manni.  Ég hef löngum ætlað að skrifa smá ferðasögu frá Grænlandi og hér er hana að finna í stuttu máli.  

Ferðin til Grænlands var reyndar hið mesta ævintýri og ein skemmtilegasta skákutanlandsferð sem ég hef farið í og kom mér verulega á óvart.  Kúltúrinn er auðvitað allt annar en hér og eftir mína dvöl þarna vil ég ráðleggja öllum að fara til Grænlands a.m.k einu sinni á lífsleiðinni.   

Þegar komið var til Kulusuk fórum við niður á höfn þar sem Siggi tók á móti okkur og sigldi með okkur til Tasiilaq en um er að ræða u.þ.b. tveggja tíma siglingu.  Eftir þá siglingu finnst manni Jökulsárlónið ósköp lítið og ómerkilegt en á siglingunni mátti sjá ísjaka af öllum stærðum og gerðum.  Sjá t.d. myndasyrpu á heimasíðu Hróksins frá ferðinni.  

Upplifunin í  Tasiilaq var sérstök.  Bærin allur er nánast í brekku og flatlendi nánast ekkert.  Litadýrð húsanna var mikil en fólkið þarna er indælt.   Fátækt og atvinnuleysi er mikið.  Nokkrum sinnum á sólarhringi byrjuðu svo hundar bæjarins nánast að ýlfa allir sem einn og var nokkuð magnað að heyra.   

Um skákmótið vil ég sem minnst tala um enda frammistaða mín ekki til að hrópa húrra fyrir.   Henrik Danielsen vann nokkuð öruggan sigur.  Vel var staðið að mótshaldinu að hálfu Hróksmanna. 

Á eina flatlendisblett bæjarins var svo fótboltavöllur.  Reyndar ekki grasvöllur heldur moldarvöllur enda gróður þarna nánast enginn.  Undirritaður var settur í markið vopnaður vinnuvettlingum.  Að sögn þeirra sem best þekkja hafa jafn góð markmannstilþrif ekki sést síðan Predrag nokkur tók markið í lok fyrsta Grænlandsmótið og lét markvörðurinn ekki moldina aftra sér frá því skutla sér á alla kanta.

Fljótlega náðum við 2-0 forystu en þá fór heldur að syrta í álinn.  Í ljós kom að innfæddir höfðu miklu betra úthald en gestirnir enda bærinn allur í stórri brekku og heimamenn því í úrvalsformi en sama mátti ekki segja um gestina sem fara allar sínar ferðir í bíl.   Þess má geta að ég fékk strengi bæði á fram- og afturkálfa eftir ferðina enda barinn á efstur í efstu brekku!

Heimamenn náðu að jafna 2-2 en Máni Hrafnsson náði að setja sigurmarkið í uppbótartíma en dómgæslan var í öruggum höndum Róberts Harðarsonar!   Reyndar er upplifði ég þarna í fyrsta skipti að sjá dómara tala í GSM-síma í miðjum leik!  Kannski að fá ráðgjöf frá Gylfa Orra?

Að loknu móti lentum við nokkrir í því að vera skyldir eftir aukanótt í Kulusuk.  Það kom ekki að sök því íslenskur ferðafrömuður Jóhann að nafni tók okkur í sína umsjón og eftir ferð í Kaupfélagið þar sem nauðsynjar voru keyptar væsti ekki um og þessi aukadagur reyndist vera hinn skemmtilegasti!

Þegar ljóst var að við kæmumst ekki heim þurfti ég að hringja í frúna og biðja henni að koma þeim skilaboðum á framfæri að ég kæmist ekki til vinnu fyrr en degi síðar en áætlað var.  Slæmt GSM-samband var í bænum og var ég kominn upp á hæsta tind í bænum í hávaðaroki og þurfti að beina símanum í allar áttir áður en mér tókst loks að ná sambandi heim og koma skilaboðunum framfæri.  Örugglega verið nokkuð fyndin sjón.   

Hróksmönnum vil ég þakka kærlega fyrir frábæran viðurgjörning og sérstakar þakkir fær auðvitað Hrafn forseti sem á mikinn heiður skilinn fyrir skáklandnámið á Grænlandi.  Sjálfur stefni ég ótrauður á þátttöku í ár!

Að lokum læt ég hér með fylgja með hlekk þar sem finna má nokkur gullkorn Ísmannsins.   

 

Aftasti varnarmaður fremstur!

 

Varnarjaxlinn úr Val og Þrótti, Arnaldur Loftsson, sýndi að hann er ekki bara góður sem aftasti maður í vörninni þegar hann tók sig til og var fremsti maður ársins 2007 til að eignast barn..............á Akranesi!

Sjá nánar á vef á Sjúkrahúsins 

Þetta er þriðja barn þeirra þeirra skötuhjúa! Til hamingju!

Reyndar eru þau búsett í Garðbæ.  Margt er skrýtið...........

 

 

Stjórnmál á nýju ári

Nýtt spennandi stjórnmálaár er hafið og kosningar í nánd.  Samkvæmt nýrri könnun Gallups er fylgi stjórnmálaflokkanna lítið breytt frá fyrri könnunm.   Samfylkingin nær sér enn ekki á strik, Sjálfstæðisflokkurinn með fremur lítið "kannanafylgi", VG í stórsókn, Frjálslyndir halda sínu en Framsóknarmenn ekki langt frá "rauðvínsfylgi".  

Það verður fróðlegt að sjá hvernig þetta mun þróast.  Sjálfsagt mun Framsóknarflokkurinn auka við og fara jafnvel í 12-13% og sjálfsagt mun fylgi VG minnka niður í 15%, þrátt fyrir öfluga frammistöðu Steingríms Joðs á gamlársdag í boði Alcans. 

Ingibjörg Sólrún hefur ekki náð sér strik sem formaður og því er staða Samfylkingar fylgislega óviðunandi fyrir þann flokk.  Ég vil ekki bara kenni henni um heldur einnig öðrum forystumönnum flokksins sem láta stundum eins og formaðurinn sé ekki til.  Komi forystan ekki fram sem einn hópur er ekki von á góðu.  Minnir mig á gamalt máltæki sem segir.  Sameinaðir stöndum vér en sundraðir..............

Annars var þáttúrinn fremur litlaus að sinni.  Maður saknar óneitanlega "dónanna" Össurar og Davíðs.   Ég hnaut um þegar Steingrímur Joð þvertók fyrir það beinlínis að Ingibjörg Sólrún ætti að verði forsætisráðherra verði Samfylkingin stærst en það væri einmitt í samræmi við "norska módelið" sem Steingrímur vitnar svo oft í.  Kannski að Margrét Frímanns hafi rétt fyrir sér þegar hún talar um "karlrembu" Steingríms og gömlu komannna í bók sinni?  Standa gömlu kommarnir fyrir jafnrétti?  Vöru gömlu kommarnir ekki einmitt stóriðjusinnar? Er eitthvað að marka þá?  Eru þeir trúverðugir þegar þeir henda sínum besta málsvara í stóriðjumálum í vonlaust sæti?

Karlrembuútspil Steingríms minnka því líkurnar á kaffibandalaginu og sjálfsagt eru þær alveg úr sögunni nái Magnús Þór og Jón Magnússon völdum hjá Frjálslyndum.  Nái Margrét Sveris völdum...tja þá er ekkert útilokað. 

Já þetta getur orðið skemmtilegur vetur því margt er skrýtið í kýrhausnum...... 

Óvænt uppstilling hjá VG

Uppstilling á lista VG í stóru kjördæmunum þremur kemur óneitanlega á óvart.  Þar virðast gömlu kommarnir hugsa fyrst og fremst og sjálfan sig og sína og setja nýliðann, Guðfríði Lilju Grétarsdóttur, sem vann yfirburðasigur í prófkjörinu............ég meina forvalinu í hálfvonlaust sæti í Kraganum.  Reyndar er VG-listinn miklu betur skipaður þar en í Reykjavíkurkjördæmunum en kjósendur í þessu kjördæmi eru bara svo fjandi hægrisinnaðir að VG mun eiga þar erfitt uppdráttar!

Í síðustu Gallup-könnum fékk VG 21% í Reykjavíkurkjördæmunum en aðeins 14% í Kraganum.  Ekki finnst mér mikið réttlæti í því að yfirburðarsigurvegari í baráttunni um annað sætið sé settur þar sem fylgið er minnst og vonin mun minni um þingsæti en.................. margt er skrýtið í kýrhausnum

Ögmundur leiðir lista VG í Kraganum

Gunni bloggar!

Hæ!  Undirritaður ætlar að taka sig blogga og einstökum sinnum.  Sjálfsagt verður skák fyrirverðamikil og einnig hef ég mikinn pólítískan áhuga sem og almennan áhuga á þjóðmálum.   Fylgist með en án efa.........verður hér margt skrýtið í kýrhausnum!