Fjörugur dagur í pólítík

Fjörugum pólítískum degi er lokið.   Hjálmar hættur, Johnsen í öðru sæti, Valdimar XIV í Frjálslynda og lélegt fylgi Samfylkingar í skoðanakönnun Fréttablaðsins eru hápunktar dagsins. 

Annars er fróðlegt að lesa pólítískt blogg Sjálfstæðismanna sem og annarra andstæðinga Ingibjargar í dag, sbr. athugasemdir við blogg mitt í dag, sem allir ganga út á það að Ingibjörg sé ómöguleg og hversu sólin skein skært undir forystu Össurar   

Menn eru fljótir að gleyma.  Ef ég man rétt fór fylgi Samfylkingar undir forystu Össurar niður í 15% og þótti honum skorta trúverðugleika sem forystumaður.  Eftir að Össur hætti sem formaður hefur hann reyndar farið á kostum og ber t.d. af öðrum bloggurum í dag.  Lykilatriði er fyrir flokkinn að Össur standi sem klettur með Ingibjörgu og koma flokknum upp í 30%.  Formannskosningum er lokið og lauk fyrir tæpum tveimur árum.  Tap Össurar reynist mörgum stuðningsmönnum hans erfiður biti að kyngja en nú á að horfa fram á veginn en ekki að horfa sífellt í baksýnisspegilinn.

Valdimar farinn í Frjálslynda en mér sýnist að endurskýra megi flokkinn sem "recycle bin".  Þangað fara þeir sem tapa í prófkjörum og freista þess að fá framlengingu á pólítísku lífi.  Margrét Sverrisdóttir á að mínu mati enga samleið með flokknum og ætti að leita á önnur mið.

Enn tekst Sjálfstæðismönnum í Suðurkjördæmi að koma á óvart með því að staðfesta Johnsen í annað sæti.  Sjálfsagt getur þetta kostað Sjálfstæðisflokkinn 1-3 þingsæti á landsvísu.   

Hjálmar lagði allt undir og koltapaði.  Einhvern held ég Hjálmar hafi gert ráð fyrir þessu og sá bara býsna sáttur við að hætta.  Allt eða ekkert.

Hjálmar Árnason hættir í stjórnmálum

Athugasemdir

[Hrafn Jökulsson, 22.1.2007 kl. 11:53]

Heill þér, Gunnar. Skemmtilegur pistill. En ég verð þó að gera athugasemdir við það orðalag að stuðningsmenn Össurar horfi sífellt í baksýnisspegilinn. Nú er ég að vísu ekki í Samfylkingunni, en ég held að flestir þar horfi út um framrúðuna, skelfingu lostnir.