Bjartmarz og Seljan rifust eins og hundur og köttur

Það er ekki oft sem maður sér jafn mikil hanaslag í Kastljósinu eins og þegar þau Helgi Seljan og Jónína Bjartmarz tókust á.  Jónína fór strax í sókn og sakaði Helga um annarlega hagsmuni en Helgi svaraði fullum hálsi og óskaði eftir svörum hvaða sérstæku ástæður gætu verið fyrir því að tilvonandi tengdadóttir Jónínu fengi ríkisborgararétt eftir aðeins 15 mánuði.

Jónína kaus að svara ekki þeirri spurningu og vísaði á formann allsherjarnefndar.  Helgi greinilega taldi sig hafa heimildir fyrir því að útlendingastofnun hafi verið mjög á móti því að þessi umsókn væri samþykkt en við það vildi Jónína ekki kannast.

Hér standa því orð gegn orði og vonandi að einhver fjölmiðlillinn taki sig til og rannsaki málið betur.  Hvaða fordæmi eru fyrir slíkri afgreiðslu?   Er þetta jafn venjulegt og Jónína og Bjarni vilja gefa í skyn eða er þetta nánast fordæmislaust?  Það hljóta að vera hagsmunir Jónína að málið sé fullrannsakað.

Helga og Kastljósinu vil ég þakka fyrir öfluga umfjöllun. 

Athugasemdir

[leeds (IP-tala skráð) 27.4.2007 kl. 22:12]

JÓNÍNA er góð og greind kona

[Gunnar Björnsson, 27.4.2007 kl. 23:05]

Leeds: Það dreg ég ekki í efa en mér þykir æskilegra að menn skrifi undir rétt nöfnum hér á blogginu og áskil mér rétt til að fjarlægja nafnlaus skeyti. 

Erlingur: Það finnst mér ekki sjálfgefið, síður en svo, en spurningum er ósvarað.

Annars finnst mér að við Íslendingar eigum að vera sveigjanlegir almennt í slíkum málun en það verður að ganga jafnt yfir alla.   Meðferðin sem dómsmálaráðherra sýndi t.d. mönnum árið 2005, þegar hann vísaði mönnum úr landi á þeim forsendum að þeir væru ekki orðnir 24 ára var íslensku þjóðfélagi til skammar.  

[Gunnar Freyr Rúnarsson, 29.4.2007 kl. 23:57]

Verst að góð kona eins og Guðrún Ögmundsdóttir hafi látið bendla sig við þetta hneyksli.  Og það þarf ekki að taka fram að ef þetta hefði komið upp í nágrannalöndunum, þá hefði viðkomandi ráðherra sagt strax af sér.  Ég ætla núna að láta alla útlendinga sem hafa dvalið hér í eitt ár vita að hægt sé að fá ríkisborgararétt með undanþágu....  Hafið samband við Bjarna Ben, Guðjón Ólaf eða Jónínu sjálfa og þið fáið íslenkst ríkisfang