Viljum við geðvonda menn í stjórnarráðið?

Greinilegt er að síðustu daga og vikur hefur Steingrímur Joð séð sjálfan sig í stjórnarráðinu og hefur upp á síðkastið boðið upp á heldur mildari útgáfu af sjálfum sér.  Ummæli Ögmund um bankana voru bara misskilningur (hef nú reyndar aldrei heyrt Ögmund taka þau til baka) og netlögreglan var líka eiginlega bara misskilingur.   Fjármagnstekjuskattinn á bara að hækka um 40% en ekki 80% eins og fyrst stóð til.  

 

En er Steingrímur forsætisráðherraefni?   Í nýlegum Borgarfundi í Sjónvarpinu (u.þ.b. 49 mín.) helti hann sér yfir einn fótgönguliða Framsóknarmanna, sem spurði hann spurningar úr sal, í beinni útsendingu og gerði svo enn betur ef marka bloggsíðu fótgönguliðans, hreinlega húðskammaði hann.  

 

Er það mjög forsætisráðherralegt?  Nei varla...............og þó!  Þótt Geir sé hinn þekkilegasti, og talar helst bara um sætar stelpur, sem verða óléttar hvort sem er,  þá var fyrirrennarri hans ekki þekktur fyrir bros, nema þá síðustu vikuna fyrir kosningar og fyrirrennarri þess forsætisráðherra átti eitt og eitt geðvonskukast sem m.a. Ari Sigvaldason fréttamaður fékk að finna fyrir. 

 

Viljum við nokkuð fleiri geðvonda forsætisráðherra?  Erum við ekki búinn að fá nóg af slíku? Er kannski kominn tími á konu í stjórnarráðið?

Flestir vilja Sjálfstæðisflokk í ríkisstjórn

Athugasemdir

[Snorri Bergz, 4.5.2007 kl. 19:08]

Til hvers að fá geðvonda konu í stjórnarráðið?

[Auðun Gíslason, 4.5.2007 kl. 20:46]

Talandi um geðvonsku.  Var ekki einn geðstirðasti stjórnmálamaður landsins jafnframt sá ástsælasti meðan hann var og hét.  Gat ekki sofið fyrir geðvonsku um tíma að eigin sögn.  Og getiði nú hver!