Hvað, er Eggert alls staðar?

Maður bara spyr!

Eggert reyndi að fá Djibril Cissé til West Ham

Maður með reynslu ráðinn hjá Jóhönnu!

Það er gott mál hjá henni Jóhönnu að ráða hann Hrannar Björn í starf aðstoðarmanns ráðherra.  Við sem höfum unnið í skákhreyfingunni með Hrannari þekkjum hann að góðu einu en þar vann gott starf. Mér finnst nokkuð sérstakt að sjá menn pota í Hrannar og kalla hann "fjárglæframann".  Hrannar lenti jú í fjárhagserfiðleikum, sem Sjálfstæðismenn fyrir borgarstjórnarkosningarnar 1998 sáu til þess að færi ekki framhjá neinum, en Hrannar hefur náð sér upp úr því með dugnaði og elju.  

Auk þess held að það sé bara hið besta mál að með Jóhönnu í velferðarráðuneytinu starfi maður sem þekki líka hvernig er að að lenda í fjárhagserfiðleikum.

Ég fagna því þessari ráðningu og óska Hrannari velfarnaðar á nýjum vettvangi!

 

Hrannar Björn aðstoðarmaður Jóhönnu

Hvað eiga pólskur innflytjandi, spænskur bankastarfsmaður og egypskur kennari sameiginlegt?

Á morgun, miðvikudaginn 20.júní ,kl. 17.00, hefst Fiskmarkaðsmót Taflfélagsins Hellis í húsakynnum Skáksambands Íslands, Faxafeni 12. Mótið er sérstaklega skemmtilegt fyrir þær sakir að áhrif alþjóðavæðingar íslensks samfélags eru afar greinileg á keppendalistanum!

Lög FIDE, alþjóðlega Skáksambandsins, kveða á um það að til þess að mót geti talist alþjóðlegt mót og þannig gefið möguleika á áföngum að alþjóðlegum titlum þá verður 1/3 keppenda að vera af erlendu bergi brotnir. Að þessu sinni vill svo skemmtilega til að þrír "útlendinganna", Pólverjinn Andrzej Misiuga, Spánverjinn Jorge Fonseca og Egyptinn Omar Salama eru allir búsettir hér á landi og er slíkt algjört einsdæmi í alþjóðlegu skákmótahaldi hérlendis. Eini aðkomumaðurinn er egypski alþjóðlegi meistarinn Sarwat Walaa en hann er jafnframt stigahæsti skákmaður mótsins.

Fyrir heimavarnarliðinu, sem reyndar hefur aldrei verið jafn erfitt að skilgreina, fara ungi alþjóðlegi meistarinn Bragi Þorfinnsson og hinn þaulreyndi alþjóðlegi meistari Sævar Bjarnason sem er sá Íslendingur sem hefur teflt langflestar kappskákir. Sævar hefur á sínum ferli sigrað alla íslensku stórmeistaranna en ánægjan af því að bæta í höfðuðleðrasafnið fer, að því er virðist, aðeins vaxandi. Augu margra skákáhugamanna munu beinast að hinum 15 ára gamla Hjörvari Steini Grétarssyni en hann náði nýverið frábærum árangri á alþjóðlegu skákmóti í Ungverjalandi og mun án efa freista þess að halda þeirri velgengni áfram. Aðrir keppendur eru FIDE-meistararnir Ingvar Þór Jóhannesson, Björn Þorfinnsson (bróðir Braga) og kvennastórmeistarinn Lenka Ptacknikova. Ingvar og Björn hafa báðir náð tveimur áföngum að alþjóðlegum meistaratitli og má vænta þess að þeir leggi allt í sölurnar til að klófesta þriðja og síðasta áfangann á þessu móti. Lenka er  langsterkasta skákkona landsins en hún er auk þess eiginkona Omars Salama sem einnig tekur þátt í mótinu. Það verður því boðið upp á bræðra- og hjónavíg að Faxafeni 12 næstu daga.

Fyrsta umferð hefst kl. 17.00 að Faxafeni 12 og munu eftirtaldir skákmenn mætast:

Hjörvar Steinn Grétarsson - Björn Þorfinnsson
Omar Salama - Andrzej Misiuga
Lenka Ptacknikova - Jose Fonseca
IM Bragi Þorfinnsson - IM Sævar Bjarnason
Ingvar Þór Jóhannesson - IM Sarwat Walaa

Keppendalistinn:

 

Nr.	Titill	Nafn	Land	Stig	Félag
1	AM	Sarwat Walaa	EGY	2397
2	AM	Bragi Þorfinnsson	ISL	2384	Hellir
3	FM	Björn Þorfinnsson	ISL	2348	Hellir
4	FM	Ingvar Þór Jóhannesson	ISL	2299	Hellir
5	KSM	Lenka Ptácníková	ISL	2290	Hellir
6	AM	Sævar Bjarnason	ISL	2262	TV
7		Omar Salama	EGY	2194	Hellir
8		Hjörvar Steinn Grétarsson	ISL	2156	Hellir
9		Andrzej Misiuga	POL	2153	TR
10		Jorge Fonseca	ESP	2085

Skákmótinu verður framhaldið kl. 17.00 næstu vikuna og er aðgangur ókeypis í boði Fiskmarkaðs Íslands.

Hefur 365 sama PR-ráðgjafa og Kristinn Björnsson?

Er von að maður spyrji?  Margir muna eftir furðulegu viðtali Kristins í Kastljósi sem gerði honum mun verra en ef hann hefði kosið að sitja heim.  Nú hefur Ari Edwald og 365 kosið að hefja stríð gegn Agli sem öllum nema þeim er ljóst að þeir geta ekki unnið og ímynd þeirra mun skaðast og hefur þegar skaðast umtalsvert.   

Eftir fjölmiðlamálið hafa margir haft vissa samúð með 365 en furðuleg framkoma þeirra gegn Agli hefur að miklu leyti eytt þeirri innistöðu.  Fyrst er því haldið fram að samningur hafi komist á, svipaður hinum fyrri, og þegar Egill segir hinum meinta samningi upp, í samræmi við ákvæði í eldri samningi, þá gildir ekki uppsagnarákvæðið því samningurinn er tímabundinn!  Vá!

Svo er það skelfilega vanhugsað hjá Ara að virða ekki launaleynd gagnvart "fyrrverandi" starfsmanni sínum.  Mun nú vera gefið upp hvað Logi hefur í laun?  Svanhildur?  Denni?  Fleiri milljónatugasamningar?

Er ekki enginn góður almennatengill á 365 sem getur stöðvað  þessi gönuhlaup þeirra sem þar stjórna?

 

Ari Edwald svarar Agli Helgasyni í bloggheimum

Furðuleg hegðun 365

Ég er gáttaður á hegðun 365.  Augljóst er að Egill vill vinna annars staðar og það hlýtur að vera öllum ljóst að það þjónar ekki neinum tilgangi að þvinga menn til þess að vinna á vinnustað ef þeir það ekki vilja og gerir meira ógagn en gagn.  

Ég skora því á 365 að láta málið niður fjalla áður fyrirtækið hlýtur meiri ímyndunarskaða en nú þegar. 

 

 

 

365 miðlar hóta Agli lögbanni

Var Geir svekktur?

Mér fannst nokkuð athyglisvert að horfa á aukafréttatímanna, sem ég gerði rétt áðan á netinu þar sem ég var upptekinn í kvöld.  Þar hafði ég á tilfinningunni eins og Geir væri ekki alveg sáttur.  Kannski hann hafi viljað gera meiri breytingar en ekki séð sér fært?  Kemur eflaust mörgum á óvart að Björn skuli taka sæti í "Baugsstjórninni" en að mínu mati hefði verið rétt að hleypa Bjarna frænda hans að. 

Ég hefði kosið að Sjálfstæðisflokkur hefði gert meiri breytingar og hleypt yngra liði inn en aðeins einum ráðherra var skipt út en ég átti von á 2-3 breytingum á þeim bænum. 

Í Samfylkingunni kemur nokkuð á óvart að Ágúst Ólafur yrði ráðherra en að öðru leyti kemur þar fátt á óvart. Mér finnst Ágúst taka þessum tíðindum vel þótt hann væri ekki fullsáttur.  Hans tími mun án efa koma en þar er framtíðarleiðtogi þar á ferð. Tími Jóhönnu er hins vegar kominn og er það vel!

 

Þrjár konur og þrír karlar ráðherrar fyrir Samfylkingu

Verður Björn ráðherra í Baugsstjórninni?

Ég bara spyr

Formlegar viðræður Sjálfstæðisflokks og Samfylkingar hafnar

Klúður Steingríms og eitt stykki reiður ráðherra - spáð í ráðherraembættin!

Það var sérstakt að horfa á Kastljósið í kvöld.  Steingrímur Joð, sem sá allt í einu drauminn blauta um samstjórn með Sjálfstæðisflokkinn fjara út á sandinn, var nú tilbúinn að vinna með Framsókn og gera ISG að forsætisráðherra.  Það er aldeilis!   Guðni, sem er eldri i en tvævetur í pólítík, hafði gleymt því að það borgar sig ekki að fara í fjölmiðla þegar maður er reiður.  Það var skelfilegt að sjá framkomu Guðna sem kenndi DV og Baugi um að fylgið Framsóknar fór ekki upp á við.   Búhúhúhú.

Mér lýst vel á þessa stjórn og tel þetta besta kostinn í spilinu.  Þetta verður sterk stjórn sem vonandi mun taka m.a. á bruðlinu í landbúnaðarkerfinu og vonandi vakna nú Evrópusinnarnir  í Sjálfstæðisflokknum sem hafa haldið sig allt of lengi til hlés.  

Að lokum ráðherralisti í boði GB.   

Nokkrir fyrirvarar.  Ég geri ráð fyrir skiptingunni 6-6.  Hugsanlegt er að ráðherrum verði fækkað.  Ég geri ráð fyrir ISG stilli upp jöfnu kynjahlutfalli.  Einnig geri ég ráð fyrir að Sjálfstæðisflokkurinn muni hafa tvær konur í flokknum í stjórninni.  Svo geri ég ráð fyrir einhverjum tilfærslum á embættum.  Ég geri ekki ráð fyrir Sjálfstæðisflokkurinn hleypi Samfylkingu í landbúnaðarráðuneytið en ég geri ráð fyrir dómsmálin fari yfir til Samfylkingar til að losa Sjálfstæðisflokkinn úr þeirri úlfakreppu sem hann er þar í.  Sjálfstæðisflokkurinn taki heilbrigðisráðuneytið (sem Samfylkinginn vill örugglega líka) en Samfylkingin taki þess í stað menntamálaráðuneytið.    

• Geir: forsætisráðherra
• Ingibjörg: utanríkisráðherra
• Árni Matt: fjármálaráðherra
• Ágúst Ólafur: dómsmálaráðherra
• Arnbjörg: landbúnaðarráðherra
• Kristján Júl: samgönguráðherra
• Þorgerður Katrín: heilbrigðisráðherra
• Björgvin: menntamálaráðherra
• Einar  K: Sjávarútvegsráðherra
• Össur:  Viðskipta- og iðnaðarráðherra
• Katrín:umhverfisráðherra
• Jóhanna: félagsmálaráðherra

Björn Bjarnason verði forseti Alþingis.  

Reyndar er erfitt að spá í þetta.  "Hin konan" hjá Sjálfstæðisflokknum gæti allt eins verið Guðfinna en ekki Arnbjörg.  Svo gæti t.d. Kristján Möller orðið ráðherra.   Einnig er mögulegt að Björn Bjarna verði ráðherra um tíma og settur síðar til hliðar til að minnka fallið.   Svo gæti Sturla haldið sínu embætti og Kristján yrði látinn bíða um tíma.   Svo getur skipting ráðuneytina orðið allt önnur en þessi!

En spennandi tímar enn í gangi!  

 

Ingibjörg Sólrún: VG vildi ekki mynda stjórn með Framsóknarflokki

Björn kann að dissa eins og Geir

Í fyrradag var eftir því tekið að Geir H. Haarde dissaði Árna Johnsen þegar hann tók ekki í hendi hans á þingflokksfundi Sjálfstæðisflokksins.  Nú er reyndar sagt að hann hafi þegar verið búinn að heilsa honum fyrir fundinn.  Björn vill ekki vera maður en Geir og dissaði með yfirlýsingu sinni fyrr 2514 kjósendur síns eigin flokks. 

Geir á greinilega langt í land ætli hann að ná Birni í dissinu, bara 2513 í viðbót!

 

Hreinn: Dómur kjósenda um verk Björns liggur fyrir

Viðræður Sjálfstæðisflokks og VG hafnar - svo segir Denni

Svo segir Denni á Vísisblogginu.  Kemur á óvart eða hvað?  Er þetta með vitund og vilja Framsóknarmanna? Ó, varla því mjög kalt er á milli þeirra og VG.  Og hvað verður um stóriðjustopp VG-inga sé þetta málið?  Gefa þeir eftir neðri hluta Þjórsár?  Eða verður virkjað í Helguvík?   Og svo ráðherralistinn.  Verður Ögmundur bankamálaráðherra?  Steingrímur utanríkisráðherra?

Hér eru drög af ráðherralista í boði GB (geri ráð fyrir 7-5 skiptingu):

 

 

• Geir: forsætisráðherra
• Steingrímur: utanríkisráðherra
• Árni Matt: fjármálaráðherra
• Bjarni Ben: dómsmálaráðherra
• Jón Bjarna: landbúnaðarráðherra
• Kristján Júl: samgönguráðherra
• Þorgerður Katrín: heilbrigðisráðherra
• Guðfinna: menntamálaráðherra
• Einar  K: Sjávarútvegsráðherra
• Ögmundur:  Viðskipta- og iðnaðarráðherra
• Kolbrún:umhverfisráðherra
• Katrín: félagsmálaráðherra
  

Ég geri ráð fyrir að hinn útstrikaði Björn Bjarna fái svo dúsu og verði forseti Alþingis.  

Spennandi tímar framundan?   Þegar stórt er spurt.........

Biðstaða í viðræðum stjórnarflokkanna