Afar bitur Stuðmaður

Horfði á Jakob Frímann Magnússon, Stuðmann með meiru, vera að kalla Dag B. Eggertsson afar bitran lækni í Mannamáli á Stöð 2.  Jakob nefnir að hann hafi stutt Dag í prófkjörinu og telur að vera á skipulagðan hátt vera að vinna gegn sér.

Nú er það þannig að fæstir hafa gagnrýnt ráðningu Jakobs beint.  Heldur fremur framkvæmd hennar og það pukur sem henni fylgir.  Borgarstjóranum og skrifstofustjóranum ber ekki saman.  Auk þess hefur ferill Ólafs Effs borgarstjóra verið með þeim ósköpum að öll hans verk eru skoðuð ítarlega.

Sé Ólafur Eff gagnrýndur svarar hann ekki gagnrýninni heldur segir menn ómálefnalega.  Hversu málefnalegt er það?   Hann segist vera heiðarlegur stjórnamálamaður, heiðarlegri en aðrir. Allir muna þegar hann fór í mat í miðjum meirihlutaviðræðum og þegar hann hló með Degi B og sagðist ekki vera í neinum meirihlutaviðræðum nokkrum klukkutímum áður en nýr meirihluti var myndaður.  Er hann eitthvað betri en aðrir pólitíkusar?  

Jakob hvet ég til standa sig í starfinu.  Hann á ekki vera í pólitík sem miðborgarstjóri.  Það að hann hafi stutt Dag í prófkjöri þýðir ekki að ráðning hans og framkvæmd hennar sé yfir gagnrýni hafin.  

Ástandið veldur sjálfstæðismönnum áhyggjum

Þegar stórt er hefnt.........

Fréttastofa Stöðvar 2 hefur ekki séð ástæðu til að fjalla um Íslandsmótið í skák.  Þar til í gær þá birtist skrýtin frétt á Stöð 2 þar sem fram kom að verðlaun í „karlaflokki“ væru mun hærri en í kvennaflokki.  Nú er það þannig að í Íslandsmótinu í skák er enginn „karlaflokkur“ heldur landsliðsflokkur og meðal keppenda nú er t.d. sterkasta skákkona landsins, Lenka Ptácníková.  Inntakið í fréttinni var því kolrangt. 

En hvað skýrir þessa skrýtnu frétt?  Það skyldi þó ekki vera grein Guðfríðar Lilju í Fréttablaðinu í fyrradag til varnar Þóru Kristínu Ásgeirsdóttur sem fréttastjórinn rak um daginn?  

Eitt sitt spunameistari ávallt spunameistari?

Þegar stórt er spurt...........

Ísland í dag lækkar bensínverð - Lækkun á enska boltanum næst á dagskrá?

Ísland í dag var með flotta frétt í kvöld en fyrirspurnir þeirra til olíufélaganna leiddi til þess að bensínverð lækkaði í dag og það umtalsvert.   Nú legg ég til að umsjónarmenn Íslands í dag leiti sér nær og beiti sér fyrir lækkun á verði á enska boltanum sem hækkar um 88% hjá mörgum áskrifendum.

Eldsneytisverð lækkar töluvert í sjálfsafgreiðslu

Enn PR-skandall hjá 365

Ég ef verið hugsi eftir Ísland í dag í gær þegar Pétur og Hilmar voru að verja verðskrá Sýnar 2 og því minna sem ég hugsa málið því minna botna ég í málflutningi þeirra.  Pétur, sem ég þekki af góðu af fornu fari, fór ansi frjálslega með sannleikann þegar hann sagði hækkunina hjá stórum hluta áskrifenda „aðeins“ vera 68% og virðist þá sleppa því reikna með lækkun vasks og bæta við seðilgjaldi, á greiðsluseðil Skjássports, sem verður hvorutveggja að teljast vafasamt.  Kannski að þeir 365-menn lýti svo á að vasklækkunin eigi að renna til þeirra því ef ég man rétt hækkaði áskriftin á sjónvarpsmiðlum 365 um jafnvirði skattalækkuninnar, sem var ætlað að renna í vasa almennings af stjórnmálamönnunum.  

 

Verðið hjá Skjásport eftir lækkun skatts var 2.341 kr.  Nú kostar sama áskrift 4.390 kr. hjá Sýn2 svo hækkunin er faktíst 88%.   Mér og örugglega flestum sem viljum fá enska boltann beint er slétt sama hvort einhver samantektarþáttur birtist fyrr en ella og um það hvort einhverjir æfingarleikir séu sýndir á sumri.   Vil svo benda á  góð greinarskrif um þessi mál á spjallþræði Liverpool-aðdáenda.

Ég er hugsi yfir framkomu 365 í málinu.  Að vanir PR-menn eins og Pétur skuli fara í þann pakka að fara beinlínis með rangt mál og að Steingrímur Sævarr, sem ég hef ávallt borið mikla virðingu fyrir, skuli láta draga sig í þennan drullupoll að gerast málpípa 365 í þessu máli.   Af hverju voru t.d. tveir aðilar frá 365 í þættinum í stað þess að fá einhvern utan  úr bæ til að ræða við  Pétur eða Hilmar?

Nýlega var mjög misheppnað PR-mál hjá 365 þegar þeir reyndu að freista þess að halda Agli Helga hjá sér og koma í veg fyrir að hann færi til RÚV sem gekk svo langt að Ari forstjóri nefndi laun hans í bloggi út í bæ.  

Ég hefði haldið að hvergi ættu að vera til fleiri vanir PR-menn en hjá stóru fjölmiðlafyrirtæki til að falla í slíkar gryfjur?

Eða hvað?  Þegar stór er spurt............

Furðulegur málflutningur Sýnarmanna

Rétt áðan var ég að horfa á minn gamla bekkjarfélaga úr Hlíðaskóla, Pétur Pétursson, og Hilmar Björnsson útskýra hækkun á enska boltanum í Íslandi í dag í kvöld.  Þeim virtist ekki finnast það mikið tiltökumál að verðskráin sé hækkuð um 70% á mig og fleiri áskrifendur sem höfðu enska boltann.

Einnig var það furðulegur málflutningur að áskriftin hafi í undantekningartilfellum lækkað því það er einfaldlega kolrangt því þegar verðskráin gefur minna viðbótarverð en það sem enski boltinn kostaði á Skjásport er farið fram á bindingu í 12 mánuði á bolta sem fram fer í 10 mánuði, sem meikar auðvitað ekki sens!

Til viðbótar tók 365 sig til nýlega og felldi niður einhliða afslátt á Sýn hjá þeim sem höfðu OG1.  Þar er hækkunin svipuð eða um 70%.  Sjálfsagt vegna þess að Síminn er ekki lengur í samkeppni. 

Sú fullyrðing Péturs að verðskráin væri einföld var skemmtileg en flóknari verðskrá hefur ég sjaldan augum séð.  Það er t.d. nokkuð merkilegt að ódýrara er að taka 10 staka mánuði á enska boltanum, sem fer jú aðeins fram í 10 mánuði, heldur en að vera með enska í M12!   Munar þar rúmum 6.000 kr. á ári!  

Þetta sýnir okkur hversu vont það er þegar einokun er til staðar og hversu nauðsynleg samkeppni er.

Okrað á boltaþyrstum

Ég hef verið áskrifandi á Sýn um nokkurn tíma.  Ég færði símann yfir til Vogafone og gekk í OG1 eingöngu vegna þess að þar boðið upp á Sýn á 2.000 kr.  og var auk þess með enska boltann.  Nú fékk ég kurtleislegt bréf frá Vodafone og mér tjáð að þessi díll væri ekki lengur í boði og framvegis þyrfti ég að borga fullt gjald fyrir Sýn.  Ég hringdi niður í þjónustumiðstöð 365 enda hvergi hægt að finna verðið á vefnum og var þar sagt að fullt verð væru á milli 4000 og 5000 kr.  

Fái maður sér Sýn2 kostar pakkinn rúmar 7.000 kr. og þá aðeins svo "ódýrt" að maður gangi í M12.  Semsagt nærri 90.000 á ári!

Ég hef fengið nóg og sagði upp Sýn.  Þetta verð er ekki boðlegt.   Sennilega er eina vitið að fá sér SKY-lykil.  

 

 

 

Hefur 365 sama PR-ráðgjafa og Kristinn Björnsson?

Er von að maður spyrji?  Margir muna eftir furðulegu viðtali Kristins í Kastljósi sem gerði honum mun verra en ef hann hefði kosið að sitja heim.  Nú hefur Ari Edwald og 365 kosið að hefja stríð gegn Agli sem öllum nema þeim er ljóst að þeir geta ekki unnið og ímynd þeirra mun skaðast og hefur þegar skaðast umtalsvert.   

Eftir fjölmiðlamálið hafa margir haft vissa samúð með 365 en furðuleg framkoma þeirra gegn Agli hefur að miklu leyti eytt þeirri innistöðu.  Fyrst er því haldið fram að samningur hafi komist á, svipaður hinum fyrri, og þegar Egill segir hinum meinta samningi upp, í samræmi við ákvæði í eldri samningi, þá gildir ekki uppsagnarákvæðið því samningurinn er tímabundinn!  Vá!

Svo er það skelfilega vanhugsað hjá Ara að virða ekki launaleynd gagnvart "fyrrverandi" starfsmanni sínum.  Mun nú vera gefið upp hvað Logi hefur í laun?  Svanhildur?  Denni?  Fleiri milljónatugasamningar?

Er ekki enginn góður almennatengill á 365 sem getur stöðvað  þessi gönuhlaup þeirra sem þar stjórna?

 

Ari Edwald svarar Agli Helgasyni í bloggheimum

Húrra fyrir Kastljósi!

Kastljós hefur legið undir ámæli Framsóknarbloggara síðustu daga og verið sakað um óeðlilega umfjöllun um veitingu á ríkisborgararétti til verðandi tengdadóttur hennar. Nú hefur komið í ljós að heldur voru ástæður fyrir veitingunni klénar í samanburði við ýmsa þá sem hafa fengið neitun.

Ég hef alltaf borið mikla virðingu fyrir Bjarna Benediktssyni, og talið hann einn albesta þingmann Sjálfstæðisflokksins, hann var t.d. sá þingmaður Flokksins, sem best hélt í haus í  fjölmiðlafrumvarpshasarnum hér um árið á meðan ýmsir aðrir flokksbræður hans misstu sig algjörlega. Einhvern veginn grunar manni að hann hafi ekki alveg komið hreint fram í þessu máli. Í besta falli kynnti hann sér ekki málið vel.

Mér fannst Össur ganga of langt í fréttatíma í gær þegar hann sakaði Bjarna og Guðjón Ólaf að hafa eitthvað að fela en eftir uppljóstrun kvöldsins á "upphlaup" Össurar mun meiri rétt á sér. Kannski vissi Össur meira en hann gaf þá upp?

Í Kastljósþættinum fræga þegar Helgi og Jónína rifust eins og hundur og köttur dró Jónína upp skjal sem átti að sýna mannréttindarbrot í Guatmala og ýjaði þar með að því, þótt hún segði það aldrei berum orðum, að það væru ástæðurnar fyrir veitingunni. Come on!

Þórhallur, Helgi, Sigmar og aðrir Kastljósmenn eiga heiður skilið fyrir góða umfjöllun um málið. Meira svona Kastljósfólk!

Klámhögg Jóns Ólafssonar - Hvar eru femínistarnir?

Í þætti Jóns Ólafssonar sungu Erpur Eyvindarson og félagar um kanamellur auk þess sem hljómsveitin Rass kom fram.  Er þetta ekki argasta klám?  Hvar eru femínistarnir og forsjárhyggjufólkið?  Er ekki rétt að banna þætti Jóns? 

Annarsheyrði ég góðan brandara tengdri þessari klámumræðu og femínistum vera sá að femínistar borði banana..............þversum!