Paris fær 45 daga en Jón Ásgeir 90

Reyndar þarf Paris að sitja inni en dómur Jóns Ásgeirs er skilorðbundinn   Foreldrarnir haga sé nokkuð á svipaðan hátt því mamma Parisar sagði "Hvað heldurðu? Þetta er fáránlegt og ömurlegt og þessi vitleysa er sóun á fé skattborgara".  Kannast einhver við svipuð ummæli hjá Jóhannesi?

Paris Hilton í 45 daga fangelsi

Til hamingju með að vera 10.000. lesandinn!

Í verðlaun eru 10.000 kr.   Ég hef reyndar ekki hugmynd um hver þú ert en ég hef vísað málinu til allsherjarnefndar til úrlausnar, hún hlýtur að geta leyst úr þessu.  Geturu ekki kippt í einhverja spotta, fyrir mig Guðjón Ólafur?  Ég vinn með a.m.k. tveimur Framsóknarmönnum og tapaði meira að segja fyrir öðrum þeirra í skák í dag!

Síðan fór í loftið um síðustu áramót.   Reyndar er þetta minni lestur en lesa Ellý Ármanns dag hvern..........fyrir hádegi!

 

Viljum við geðvonda menn í stjórnarráðið?

Greinilegt er að síðustu daga og vikur hefur Steingrímur Joð séð sjálfan sig í stjórnarráðinu og hefur upp á síðkastið boðið upp á heldur mildari útgáfu af sjálfum sér.  Ummæli Ögmund um bankana voru bara misskilningur (hef nú reyndar aldrei heyrt Ögmund taka þau til baka) og netlögreglan var líka eiginlega bara misskilingur.   Fjármagnstekjuskattinn á bara að hækka um 40% en ekki 80% eins og fyrst stóð til.  

 

En er Steingrímur forsætisráðherraefni?   Í nýlegum Borgarfundi í Sjónvarpinu (u.þ.b. 49 mín.) helti hann sér yfir einn fótgönguliða Framsóknarmanna, sem spurði hann spurningar úr sal, í beinni útsendingu og gerði svo enn betur ef marka bloggsíðu fótgönguliðans, hreinlega húðskammaði hann.  

 

Er það mjög forsætisráðherralegt?  Nei varla...............og þó!  Þótt Geir sé hinn þekkilegasti, og talar helst bara um sætar stelpur, sem verða óléttar hvort sem er,  þá var fyrirrennarri hans ekki þekktur fyrir bros, nema þá síðustu vikuna fyrir kosningar og fyrirrennarri þess forsætisráðherra átti eitt og eitt geðvonskukast sem m.a. Ari Sigvaldason fréttamaður fékk að finna fyrir. 

 

Viljum við nokkuð fleiri geðvonda forsætisráðherra?  Erum við ekki búinn að fá nóg af slíku? Er kannski kominn tími á konu í stjórnarráðið?

Flestir vilja Sjálfstæðisflokk í ríkisstjórn

Ríkisstjórnin fallin samkvæmt könnun Mannlífs - Samfó með 6% forskot á VG

Samkvæmt frétt Vísis birtist ný könnun í Mannlíf á morgun.  Samkvæmt henni er ríkisstjórnin fallinn, hefur 31 þingmann.  Samfylkingin hefur 23,4% og VG 17,8% og hafa heldur misst dampinn.  Frjálslyndir rétt hanga inni, með 5,8% og Framsóknarmenn hafa 10,7%.   Einnig kom ný könnun í Reykjavík norður þar sem Sjálfstæðisflokkurinn hefur aðeins 4% forskot á Samfylkinguna sem virðist vera í stórsókn.  Athyglisvert er hversu slakt fylgi flokkurinn virðist hafa í Reykjavíkurkjördæmunum miðað við sterka stöðu flokksins á landsvísu.

Jón Sigurðsson er fallinn af þingi og virðist hafa töluvert minna fylgi en Björn Ingi Hrafnsson hafði í síðustu borgarstjórnarkosningum.

Niðurstaðan:

Mannlífskönnunin (landið allt):

B: 10,2% (7)
D: 36,0% (24)
F: 5,8% (4)
Í: Ekki gefið upp (0)
S: 23,4% (16)
V: 17,9% (12)

Stöð 2 (Reykjavík norður): 

B: 4,5 (0)
D: 34,5% (4)
F: 6,1% (0)
Í: 2,8% (0)
S: 29,8% (3)
V: 22,3 (2)

Húrra fyrir Kastljósi!

Kastljós hefur legið undir ámæli Framsóknarbloggara síðustu daga og verið sakað um óeðlilega umfjöllun um veitingu á ríkisborgararétti til verðandi tengdadóttur hennar. Nú hefur komið í ljós að heldur voru ástæður fyrir veitingunni klénar í samanburði við ýmsa þá sem hafa fengið neitun.

Ég hef alltaf borið mikla virðingu fyrir Bjarna Benediktssyni, og talið hann einn albesta þingmann Sjálfstæðisflokksins, hann var t.d. sá þingmaður Flokksins, sem best hélt í haus í  fjölmiðlafrumvarpshasarnum hér um árið á meðan ýmsir aðrir flokksbræður hans misstu sig algjörlega. Einhvern veginn grunar manni að hann hafi ekki alveg komið hreint fram í þessu máli. Í besta falli kynnti hann sér ekki málið vel.

Mér fannst Össur ganga of langt í fréttatíma í gær þegar hann sakaði Bjarna og Guðjón Ólaf að hafa eitthvað að fela en eftir uppljóstrun kvöldsins á "upphlaup" Össurar mun meiri rétt á sér. Kannski vissi Össur meira en hann gaf þá upp?

Í Kastljósþættinum fræga þegar Helgi og Jónína rifust eins og hundur og köttur dró Jónína upp skjal sem átti að sýna mannréttindarbrot í Guatmala og ýjaði þar með að því, þótt hún segði það aldrei berum orðum, að það væru ástæðurnar fyrir veitingunni. Come on!

Þórhallur, Helgi, Sigmar og aðrir Kastljósmenn eiga heiður skilið fyrir góða umfjöllun um málið. Meira svona Kastljósfólk!

Samfylkingin stærri en VG

Ég held að mesta ánægjuefni þessara kannanar séu að fylgi Samfylkingar sé hærra en VG sem þýðir að áhrif VG yrðu minna en illa ef vinstri stjórn yrði niðurstaðan.  Sjálfstæðisflokkurinn getur vel við unað en fylgið á væntanlega eftir að lækka og sama á væntanlega eftir að gerast hjá VG.  Þessi könnun er einnig óvenju marktæk enda úrtakið 3.600 manns.

Frjálslyndir eru á mörkum þess að hanga inni og Íslandshreyfingin er úr leik og ljóst að það er allt eins hægt að skila auðu og kjósa Ómar og félaga.  Erfitt er að átta sig hvað Jónínu-málið þýði fyrir Framsóknarmenn en ég allt eins von á því að þeir munu fá samúðaratkvæði út á málið og jafnvel hagnast á því.    

Um 40% eru óákveðnir en líklegast er að meira fari til miðjuflokkana Framsóknar og Samfylkingar í stað jaðarflokkana.    

Spá:

B: 13%
D: 36%
F:   6%
Í:   2%
S: 27%
V: 16%

Og hvaða stjórn þýðir þetta?  Erfitt er að átta sig á því.  Væntanlega héldi ríkisstjórnin velli en er líklegt að Framsókn fari í fjórða sinn í röð í stjórn með íhaldinu með aðeins 8 þingmenn og svo nauman meirihluta?

Hugsanlega gæti niðurstaðan orðið vinstri stjórn Samfylkingar, VG og Framsóknar undir forystu Samfylkingar sem mun skárri niðurstaða en Kaffibandalagið enda Frjálslyndir ótækir í stjórn að mínu mati sökum innflytjendastefnu sinnar og áhrif VG yrði minni í slíkri stjórn.  Ef það yrði raunin yrði það aðeins í annað sinni í sögu landsins að meirihlutastjórn á Íslandi yrði undir annarri forystu en Sjálfstæðis- eða Framsóknarflokks en Stefán Jóhann Stefánsson var forsætisráðherra Alþýðuflokksins fyrir um 60 árum síðan.  

Líklegast þykir mér þó að niðurstaðan verði stjórn Sjálfstæðisflokksins með annaðhvort Samfylkinginu eða VG.    

Spennandi dagar framundan.

Sjálfstæðisflokkur með 40% fylgi samkvæmt könnun

Bjartmarz og Seljan rifust eins og hundur og köttur

Það er ekki oft sem maður sér jafn mikil hanaslag í Kastljósinu eins og þegar þau Helgi Seljan og Jónína Bjartmarz tókust á.  Jónína fór strax í sókn og sakaði Helga um annarlega hagsmuni en Helgi svaraði fullum hálsi og óskaði eftir svörum hvaða sérstæku ástæður gætu verið fyrir því að tilvonandi tengdadóttir Jónínu fengi ríkisborgararétt eftir aðeins 15 mánuði.

Jónína kaus að svara ekki þeirri spurningu og vísaði á formann allsherjarnefndar.  Helgi greinilega taldi sig hafa heimildir fyrir því að útlendingastofnun hafi verið mjög á móti því að þessi umsókn væri samþykkt en við það vildi Jónína ekki kannast.

Hér standa því orð gegn orði og vonandi að einhver fjölmiðlillinn taki sig til og rannsaki málið betur.  Hvaða fordæmi eru fyrir slíkri afgreiðslu?   Er þetta jafn venjulegt og Jónína og Bjarni vilja gefa í skyn eða er þetta nánast fordæmislaust?  Það hljóta að vera hagsmunir Jónína að málið sé fullrannsakað.

Helga og Kastljósinu vil ég þakka fyrir öfluga umfjöllun. 

Úrsögn úr Þjóðkirkjunni

Í kjölfar ákvörðunar kirkjunarmanna að hafna giftingu samkynhneigðra hef ég ákveðið að segja mig úr þjóðkirkjunni.  Ég tel að kirkjan eigi að vera fyrir alla en ekki útvalda og tel mig ekki lengur eiga samleið með Karli og félögum.   

 

 

 

Hið sanna eðli Framsóknar

Ég hef haldið að Framsóknarflokkurinn væri að rétta úr kútnum, enda ekki að furða, þar sem fram hefur komið í auglýsingum að formaðurinn kunni að synda en svo hafa komið tvö klúðursleg mál, fyrst skrýtin ráðning Páls Magnússonar, eins erfðaprins Flokksins, í stöðu stjórnarformanns Landsvirkjunnar, og svo málið með tengdadóttur Jónínu, sem virðist hafa fengið ríkisborgararétt á öðrum forsendum en aðrir ef marka má umfjöllun Kastljósins.  

Og þá rifjast upp fyrir manni meðferð sem tveir erlendir ríkisborgarar fengu hjá dómsmálaráðherra árið 2005 þegar þeir voru sendir úr landi, þrátt fyrir að vera giftir íslenskum konum á þeim forsendum að þeir væru ekki orðnir 24 ára!  Þeir hafa greinilega ekki verið í Framsóknarflokknum!

Nú hefur hið sanna eðli Framsóknar komið í ljós.  Munu sundtök formannsins duga til að bjarga ímyndarhnekkinum sem Flokkurinn hefur orðið fyrir síðustu daga?

 

 

Nefndarmenn hafi tekið fram að þeim hafi verið ókunnugt um tengsl Jónínu og umsækjandans

Verður hlegið af Sjálfstæðisflokknum fyrir afstöðuna til EB eftir 15 ár?

Margir hafa farið hamförum síðustu daga og rifjað upp mörg gömul sérkennileg baráttumál vinstrimanna hér áður fyrr.  En einhvern veginn grunar mig að bloggarar framtíðinnar eftir 10-20 ár munu sér gamans rifja upp sum ummæli stjórnmálamanna nútímans um ESB og finnast afstaða þeirra ákaflega hlægileg!