Banki allra landsmanna - og minn líka!

Í dag hóf ég störf hjá Landsbanka Íslands, nánar tiltekið í útlánaeftirliti fyrirtækja.  Það er alltaf gaman að takast á við ný verkefni!  Nú hef ég tekið allan hringinn en ég byrjaði hjá Íslandsbanka og var þar 1990-2001 þar til réð mig til Búnaðarbankans (sem breystist svo í Kaupþing) þar sem ég vann 2001-07.   

Nú er hringnum lokað, ekki nema að maður taki Sparisjóðina líka! 

Vantar alvöru hægriflokk?

Var að lesa athyglisvert blogg hjá Ingva Hrafni Jónssyni um jafnaðarmannaleiðtogann Þorgerði Katrínu, þar sem hann gerir að umtalsefni vinstri stefnu Sjálfstæðisflokksins.  Ég get tekið undir með mörgu af því sem Ingvi Hrafn segir en þó ekki öllu.  

Pólítíkin á Íslandi er nokkuð sérkennnilega núna.  Segja má að við séum með þrjá miðflokka (D-B-S), einn vinstri flokk (VG) og einn flokk sem flýtur einhverns staðar þarna fyrir utan. 

Er kannski að myndast svigrúm fyrir alvöru hægriflokk á Íslandi?

Fjör hjá Frjálslyndum

Svo fór að Margrét ákvað að fara í varaformanninn frekar en formanninn.  Sennilega skynsamlegt að henni enda Guðjón vinsæll og farsæll að mörgu leyti, þótt hann hafi gert mikil mistök með því að styðja einn frambjóðenda opinberlega.  Eitthvað sem ég minnist ekki að formenn stjórnmálaflokka hafi gert í ómunatíð þegar fleiri en einn frambjóðandi hafi boðið sig fram.  Man einhver eftir slíku dæmi?

Ég horfði á þau Margréti og Magnúsi í Kastljósinu og þar hafði Margrét töluverða yfirburði.  Sérstaklega fannst mér ómaklegt hjá Magnúsi þegar hann gerði lítið úr árangri Margrétar og Ólafs Effs í borgarstjórnarkosningunum. 

Sjálfsagt skiptir hér stuðningsyfirlýsing Ólafs og félaga í borgarstjórnarflokknum við Margréti máli.  Sjálfur virtist Magnús ákaflega stoltur yfir árangri sínum í bæjarstjórnarkosningunum á Akranesi þar sem flokkurinn fékk heil 300 atkvæði.

Athyglisvert var að Margrét vildi ekki gefa upp hvað hún myndi gera ef hún tapaði.  Ég sjálfur er þeirrar skoðunar að Margrét eigi ekki samleið með þeim mönnum sem nú er í framlínu flokksins og ætti að leita á nýjar slóðir.  Er Samfylkingin nokkuð búin að loka sínum listum í Reykjavík?

Margrét Sverrisdóttir býður sig ekki fram til formanns Frjálslyndra

Flótti úr Samfylkingunni

Þessa dagana berast sífellt nýjar fréttir um flótta úr Samfylkingunni.  Um daginn gekk Valdimar Leó  úr Samfylkingunni og í fyrradag gekk hann til liðs við Frjálslynda.  Valdimar var reyndar ekki kosinn á þing heldur var annar varamaður Samfylkingarnar í Kraganum en fór á þing þegar Guðmundur Árni gerðist sendiherra í Svíþjóð og Ásgeir Friðgeirsson ákvað frekar að vinna fyrir Björgúlfsfeðga en að taka sæti á alþingi.   Oft hafa því þingmenn haft meira umboð en Valdimar.   

Í gær tilkynnti svo Páll Vilhjálmsson úrsögn sína úr Samfylkingunni.  Reyndar var ég mjög hissa að sjá að Páll hafi verið í Samfylkingunni því fáir hafa tala verr um Samfylkinguna og formann Samfylkingar á bloggsíðum landans en einmitt Páll nema þá helst Hrafn vinur minn Jökulsson!

Spurnig hvort Guðrún Helgadóttir geti skrifað um þetta bók

Kjaftæðinu hætt

Loksins, loksins.     

Ég vona svo sannarlega að menn detti ekki aftur í þennan fúla pytt.  Nú þurfa alþingismenn, og þá fyrst og fremst stjórnarandstæðingar, að bretta  upp ermar til að freista þess enduheimta virðingu hins háa Alþingis sem lét heldur betur á sjá í síðustu viku.  

Umfjöllun um RÚV-frumvarp lauk skyndilega

Fjörugur dagur í pólítík

Fjörugum pólítískum degi er lokið.   Hjálmar hættur, Johnsen í öðru sæti, Valdimar XIV í Frjálslynda og lélegt fylgi Samfylkingar í skoðanakönnun Fréttablaðsins eru hápunktar dagsins. 

Annars er fróðlegt að lesa pólítískt blogg Sjálfstæðismanna sem og annarra andstæðinga Ingibjargar í dag, sbr. athugasemdir við blogg mitt í dag, sem allir ganga út á það að Ingibjörg sé ómöguleg og hversu sólin skein skært undir forystu Össurar   

Menn eru fljótir að gleyma.  Ef ég man rétt fór fylgi Samfylkingar undir forystu Össurar niður í 15% og þótti honum skorta trúverðugleika sem forystumaður.  Eftir að Össur hætti sem formaður hefur hann reyndar farið á kostum og ber t.d. af öðrum bloggurum í dag.  Lykilatriði er fyrir flokkinn að Össur standi sem klettur með Ingibjörgu og koma flokknum upp í 30%.  Formannskosningum er lokið og lauk fyrir tæpum tveimur árum.  Tap Össurar reynist mörgum stuðningsmönnum hans erfiður biti að kyngja en nú á að horfa fram á veginn en ekki að horfa sífellt í baksýnisspegilinn.

Valdimar farinn í Frjálslynda en mér sýnist að endurskýra megi flokkinn sem "recycle bin".  Þangað fara þeir sem tapa í prófkjörum og freista þess að fá framlengingu á pólítísku lífi.  Margrét Sverrisdóttir á að mínu mati enga samleið með flokknum og ætti að leita á önnur mið.

Enn tekst Sjálfstæðismönnum í Suðurkjördæmi að koma á óvart með því að staðfesta Johnsen í annað sæti.  Sjálfsagt getur þetta kostað Sjálfstæðisflokkinn 1-3 þingsæti á landsvísu.   

Hjálmar lagði allt undir og koltapaði.  Einhvern held ég Hjálmar hafi gert ráð fyrir þessu og sá bara býsna sáttur við að hætta.  Allt eða ekkert.

Hjálmar Árnason hættir í stjórnmálum

Lobbi fór á kostum í Silfrinu

Hagfræðingurinn, Guðmundur Ólafsson, oft kallaður Lobbi, fór hreinlega á kostum á Silfri Egils í dag og hvet ég alla til að horfa á viðtal Egils við Guðmund.  Þar bendir Guðmundur á skýringar á háu matarverði og telur upptöku Evrunnar meðal annars lausnina á því.  Einnig nefnir Guðmundur fákeppni á matvörumarkaði sem og haftir í landbúnaðrkerfinu sem ríkisstjórnin hefur ekki haft dug á að taka á. 

Lokaorð Lobba voru einkar fyndin og hvet og ég alla til horfa á viðtalið við Guðmund og reyndar einnig viðtalið við Ómar Ragnarsson sem fylgdi í kjölfarið og var sömuleiðs mjög gott.

Afhverju fær Samfylkingin svona lítið fylgi?

Slök útkoma Samylkingar stingur óneitanlega í augu í nýrri skoðanakönnun Fréttablaðsins, sem út kom í dag.  Afhverju er hún svona slök?

Mig grunar að þátttaka Samfylkingar í málþófinu um Ríkisútvarpsins skipti hér miklu máli.  Kjósendur Frjálslynda og VG eru að stóru leyti kverúlantar (aðallega varðandi fyrrnefnda flokkinn) og einsmálefniskjósendur (kvótinn-útlendingar og virkjanamálefnin) og setja sig ekki á móti þessu málþófi.  Ég reyndar held að almenningi sé almennt sama hvað verður um RÚV-frumvarpið og því virkar þetta málþóf einkar bjánalega.   

Kjósendur hinna flokkanna (líka þeir örfáu sem kjósa Framsókn!) líta hins vegar heildstæðara á málin almennt og finnst mörgum að Samfylkingin hafi sett niður með framkomu sinni í málþófinu.

Einnig gæti það skipt máli að við sem fylgjumst við pólítíkinni höfum tekið eftir því að forystumenn Samfylkingar hafa ekki gengið í takt.  Eitthvað sem forystumennirnir verða að taka á ætli þeir sér að ná 30% fylgi.

Sjálfum finnst mér málefnastaða flokksins sterk, aðallega í Evru- og Evrópumálum og mér finnst að flokkurinn eigi að leggja áherslu á að afnema styrkjakerfið í landbúnarkerfinu, sem mun snarbæta afkomu heimilina, sem er eitthvað sem stjórnarflokkarnir hafa ekki styrk eða áhuga að taka á.  

Að öðru leyti á ég von á að fylgi VG og Frjálslynda muni minnka.  Reynslan kennir að slíkir einsmálefnisflokkar fái minna fylgi upp úr kjörkössunum en í könnunum.   Það fylgir mun að mestu leyti lenda hjá Framsókn og Samfylkingu sem mun bæði auka fylgi sitt verulega frá könnuninni.   Sjálfstæðisflokkurinn fær svo iðulega töluvert minna fylgi í kosningum en könnunum.

Fylgi VG og Frjálslyndra eykst samkvæmt skoðanakönnun

Auðveldur sigur Púlara á Chelsea

Það var gaman að sjá mína menn í Liverpool vinna auðveldan sigur á Chelsea í dag.  Úrslitin voru 2-0 og Liverpool var miklu nær því að bæta við marki en Brúarmenn að minnka muninn.  Gaman var að sjá "patzerena" Aurelio og Pennant en báðir áttu þeir prýðisleik.  Sérstakt knús fær Garregher, sem tók Drogba gjörsamlega í nös.

Fyrir utan mörkin tvö er tvö atriði sérstaklega minnisstæð, þ.e. ótrúlegt markskot Riise sem lenti í slánni og hefði mjög líklega orðið mark ársins hefði boltinn legið inni.  Reyndar átti að dæmi víti á Chelsea í kjölfar skotsins þegar brotið var á Crouch.   Svo var aukaspyrna Drogba þegar hann klobbaði Ballack alveg ógeðslega fyndin!

Nú er bara vona að Arsenal vinni ManU á morgun.  Verði það raunin er hugsanlegt að Liverpool geti barist við ManU um titilinn!

 

 

Liverpool lagði Chelsea 2:0

Kaupþing kvatt

Í dag hætti ég störfum hjá Kaupþingi eftir að hafa unnið í bankanum í u.þ.b. 5½ ár. Reyndar hefur bankinn gengið undir fjórum nöfnum á þessum tíma um lengri eða skemmri tíma, þ.e. Búnaðarbankinn, Kaupþing Búnaðarbanki, KB banki og loks Kaupþing. 

Á þessum árum hefur maður upplifað margt og flest skemmtilegt.  Sameining Búnaðarbankans og Kaupþings er sérstaklega minnisstæð en dagurinn þegar fréttir bárust um að ýmsir lykilstarfsmenn væru að hætta og fara yfir í Landsbankann er reyndar ekki sá skemmtilegasti í minningunni en stöðugar fréttir um hina og þessa starfsmenn sem væru að fara yfir til LÍ bárust jafnt og þétt þann dag. 

"Kaupréttadagurinn" er einnig mjög minnistæður og hápunktur þess dags var óneitanlega þegar forsætisráðherrann fékk sér göngutúr úr stjórnarráðinu niður í banka til að taka út peninga! 

Kaupþing og stjórnendur bankans höfðu hins vegar mikinn styrk og unnu sig mjög vel út úr þessum erfiðum málum og bankinn hefur margsannað styrk sinn. 

Í dag fékk á margar góðar kveðjur frá samstarfsfélögum úr Kaupþingi bæði símleiðis og í tölvupósti.  Fyrir þær vil ég þakka.  Sérstaklega vil ég þó þakka félögum mínum úr Matrix, sem komu mér skemmtilega á óvart í dag!  Sérstakar þakkir fá einnig fyrrum samstarfsfélagar úr endurskoðun og viðskiptabankasviði. 

Ég á mjög góðar minningar úr bankanum og kveð hann með söknuði.  Samstarfsfólki í Kaupþingi færi ég bestu þakkir fyrir skemmtileg viðkynni og óska þeim velfarnaðar í framtíðinni.  Bankinn sjálfur fær svo stórt knús og óskir um gott gengi í framtíðinni. 

Takk fyrir samstarfið!